Di rencanakan thn 2014 akan ada Pesawat AMBONESS AIRLINES

, dengan Pramugari para putri Daerah Maluku yg mengunakan bahasa atau logat ambon sbb: Disini Pramugari AMBONESSE AIRLINES...... salamat pagi amper siang basodara samua..... nnti kalo ale dong pung mata so rasa padis deng ale pung talinga mo tuli... lha jang lupa makan gula2.....!! »Skarang ale dong tolong lihat cara pasang akang pung sabuk pengaman.... ale pasang bagini trus tindis, kalo mo buka ale tarik akang pung besi sampe talapas.... baju pelampung tu akang ada di bawa kursi, zeng usa pake skarang tunggu sampe bapa raja pilot antua kas komando dolo..... »itu baju jang ale dong kasih pindah2 lai dan jang coba bawa pulang, brani ada yg bawa pulang beta palungku dlm muka pica.....!! kalo ale dong mo pake itu baju palampung, kase maso dari batang leher lha kase kancang dari muka. jang ale tarek kancing sampe kancang nnti zeng bisa banapas....!! Supaya ta apung di aer tarek itu gantungan akang yg warna merah tu... inga...kalo tarek itu barang, pas so di luar pesawat, jang tarik di dlm nnti ale dong tagae di pintu kalo baju so kasih kambung memang..... jadi jang udik. Abis itu ale dong kaluar satu2, jang baku tola kiri kanan macam bodo tu....?? »Kalo napas so sasak nnti masker oksigen otomatis kaluar sandiri dari ale dong pung atas kapala.... akang pung jumlah su pas sa orang satu, jadi jang baku malawang gara2 barang cukimai itu.....!! »Kartu petunjuk darurat akang ada di muka kursi tu.... jang lupa baca akang ee, zeng usa paksa diri voor afal akang.... bagitu sa basodara, jang lupa sombayang supaya Tete Manis lindungi ale dong samua dlm perjalanan supaya tiba deng salamat.....!! Akhir kata.... jang buta huruf ,pele putus malintang patah... hati hati hala hala...... Salamat terbang deng Ambonesse Airlines...... hahahaa =))=))